Bo Emrayê
di kozika evînê de kûzekûza dil e
tenêtî di paxilê de dikayê
ferek im
dilopek im
xwêdana paleyê navrojê
li gelawêjê
tenê me
tune me
ez dibêjim zo
tu dibêjî na
bimire Arîzona
neponijim ez ê
bi ti tiştekî de
neaxivim ez ê
bi ti êşekê re
tenê nargîlê bikişînim
û hesretê bikişkişînim
ji dil ez ê bikişînim
bi dûmana j’dilê xwe
ez ê dûristanê hilweşînim
na
na
bimire A-RÎ-ZO-NA
Kovara W, hejmar 40, Rêbendan/Reşemî, 2012, rp 9