NAVENDA NÛÇEYAN – Di 14’yê Gulanê de bi pêşengiya PENa Kurd, Komeleya Wêjekarên Kurd, Tora Ziman û Çanda Kurdî, MED-DER’ê bi beşdariya gelek jinên nivîskar, helbestkar û rojnameger bernameya 15’ê Gulanê Roja Cejna Zimanê Kurdî li ser zoomê hat lidarxistin.
Bi pêşengiya PENa Kurd, Komeleya Wêjekarên Kurd, Tora Ziman û Çanda Kurdî, Komeleya Lêkolînê ya Ziman û Çandên Mezopotamyayê (MED-DER), bi munasebeta 15’ê Gulanê Roja Cejna Zimanê Kurdî li gor saeta Amedê saet di 21.00’an de li ser zoomê bernameya ‘Li ser zimanê kurdî Nêrîn û Nirxandinên Jinên Helbestkar û Nivîskar’ hat lidarxistin. Jinên nivîskar, helbestkar, rojnameger li ser zimanê kurdî, rol û mîsyona jinê ya di qada zimanê kurdî de nêrînên xwe anîn ziman. Bername bi moderatortiya nivîskar û rojnameger Roza Metîna dora 2 saet û nîvan dewam kir.