Êrîşên li ser pirtûkan dewam dikin

NAVENDA NÛÇEYAN-Di encama polîtikayên asîmîlasyonê de êrîşên li ser pirtûkan dewam dikin. Bi van êrîşana girêdayî hejmara pirtûkên Pirtûkxaneya Navenda Çand û Hunerê ya Cegerxwînê ku di sala 2012’an de Şaredariya Peyasê ew ava kiribû jî daket 300’î.

Şaredariya Peyas a Amedê di sala 2010’an de Navenda Çand û Hunerê ya Cegerxwîn ava kiribû. Piştî avakirina navendê jî li navendê ji bo xwendekar sûdê bigirin pirtûkxaneyek ava kiribû û 10 hezar pirtûk xistibûn pirtûkxaneyê. Pirtûkên li pirtûkxaneyê bi kurdî û tirkî bûn. Lê belê piştî di Kanûna 2016’an de qeyûm hat tayinkirin ev mîsyona pirtûkxaneyê nema.

Navenda Çand û Hunerê ya Cegerxwînê ku tahsîsî Midûriyeta Perwedehiya Gel hatibû kirin beriya hilbijartina 31’ê Adara 2019’an bi rojekê hatibû texrîbkirin.