NAVENDA NÛÇEYAN – Li gor agahiyên Hevserokê DFG’ê Serdar Altan dan niha rewşa tendurustiyê ya 3 rojnamegerên di girtîgehê de tên girtin giran e.

Li gorî daneyên Komeleya Mafên Mirovan (ÎHD) di girtîgehan de 605 jê giran hezar û 605 girtiyên nexweş hene. Li gorî Komeleya Piştevaniyê ya bi Malbatên Girtî û Hikumxwaran re (TUHAY-DER) ya Marmarayê jî ji wan nexweşan 68 jê giran in. Li gorî rapora Cîgira Serokê Giştî yê CHP’ê Gulîzar Bîçer a di 28’ê Kanûna 2021’an de aşkera kir jî di 5 salên dawî de 100 girtiyên tevî nexweşiyên xwe ve nehatin berdan jiyana xwe ji dest dan û 91 girtî jî ji ber şertên giran ber bi întîharê ve hatine dehfdan. Li gorî daneyên HDP’ê di 21’ê Sibatê de parve kirin jî di 5 salên dawî de 89 girtiyên nexweş jiyana xwe ji dest dane. Raporên ku hatine aşkerakirin rewşa girtîgehan radixe ber çavan û her roj di girtîgehan de mirineke din çêdibe. Piştî raporan jî herî kêm cenazeyê 8 girtiyan ji girtîgehan derket. Mirinên li girtîgehan û daneyên li ser girtiyên nexweş ji parvenekirina daneyan a hikumetê pêk tê. Desthilat şûna li nexweşxaneyên baş raporan esas bigire, raporên Saziya Tiba Edlî (ATK) ku zanîstî û bêalîbûna wê ji aliyê derdora tipe yên serbixwe ve bi guman tê pêşwazîkirin esas digire.

Li gor agahiyên Hevserokê DFG’ê Serdar Altan bi Ajansa Mezopotamyayê re parve kir jî niha rewşa tendurustiyê ya 3 rojnamegerên di girtîgehê de tên girtin giran e.

Navên 3 rojnamegeran wiha ne: Xebatkarê Kovara Gelê Azad Devrîm Ayik, Nûnerê rojnameya kurdî Azadiya Welat a bi Biryarnameya di Hikmê Qanûnê de (KHK) hatiye girtin ê Dîlokê Ferhat Çîftçî, Yek rojnamevanê din ê nexweş jî Ziya Ataman e. Ziya dema nûçegihanê stajyer ê Ajansa Nûçeyan a Dîcleyê ku bi Biryarnameya di Hukmê Qanûnê de hatibû girtin bû bi îdiayên “agahiyên dewletê ji hin deren din re biriye” û “kesekî ku ji rêxistinê reviyaye girtiye û radestî rêxistinê kiriye” di 11’ê Nîsana 2016’an de hatibû girtin.