NAVENDA NÛÇEYAN – Gelek rojname û ajansan bal kişandin ser kuştina rojnameger Gungor Aslan û dan zanîn ku kujerê wî hatiye girtin. Her wiha di rojnameyan de hat gotin ku Gungor Aslan herî dawî piştî êrişa lê hatiye kirin gotiye ‘Ez ê nebim rojnamegerê ewil an jî yê dawiyê yê ku êriş lê hatiye kirin, ketiye girtîgehê û bi çekê hatiye kuştin’.

Rojnameger Gungor Aslan ê ku berê gelek carî bi êriş û sûîkastan rû bi rû mabû piştî êrişa dawî li Kocaeliyê jiyana xwe ji dest da. Li ser gelek ajans û rojnameyan behsa êrişa li Rojnameger Gungor Aslan hat kirin. Her wiha aktivîst û parêzvanê mafê mirovan jî nûçeyên derbarê Gungor de rtwit kirin û bertek nîşanî kuştina wî dan. Her wiha gelek navendê PEN’ê jî liser rûpelê twittirê hatin etîketkirin.

Federasyona Rojnamegeran a Ewropayê cihekî berfireh ji bo nûçeya rojnameger Gungor Aslan veqetand.