NAVENDA NÛÇEYAN – Têkildarî pirtûkên nivîskar Abdullah Yilmaz ê li Girtîgeha Tîpa F ya Kirklar a Îzmîrê, A 31 Bûca Îzmîr tê girtin, doz hat vekirin

Derbarê pirtûkên nivîskar Abdullah Yilmaz de ku li Girtîgeha Tîpa F a Kirklari A 31 Bûca Îzmîr tê girtin, doz hat vekirin. Li gor agahiya malbatê ragihand têkildarî du pirtûkên nivîskar ên bi navê Rêça li ser Berfê, Wêneyek Veşartî bi hinceta “propagandaya rêxistinê” doz hatiye vekirin.

Nivîskar avêtin hucreya yekkesî

Li gor agahiyên malbata nivîskar Abdullah Yilmaz ê di zindanê de ye ragihand rêveberiya girtîgehê berê Abdullah kiriye hucreya yekkesî û piştre jî bi hinceta “propagandaya rêxistinê” doz derbarê pirtûkên wî de hatiye vekirin.

Pirtûk li Abdullah Yilmaz hatibû qedexekirin

Ligel rêveberiya girtîgehê destûra çapê ya pirtûka “Wêneyek Veşartî” dabû jî destûr nehatibû dayin ku pirtûk bigihêje ber destên nivîskar û xwendekaran.