Xelata Pîroz
Tu xweşik û bedew î
Tu spiya berfê, tîna êvarê yî
Tu yî zelaliya avê û ronahiya rojê
Tu gul î, kulîlka heftrengîn î
Tu xelatek e ji min re
Ji ezman ve hatî
Ma hewcê ye
ez pesnê bedewîya te bidim?
Çavên te yên kilkilî
awirên te yên kujer
û bedena te ya agirî
Tu, tu bê mînak î
Tu xelatek e ji min re
Ji ezman ve hatî
Tu bersiva hemû pirsan î
Tu yî rastî û qencî
Xweşî û talî
Bextewarî, êşî û janî
Tu bê mînak î
Tu xelatek e
Ji ezmanan ve hatî
Ez evdal im li ber deriyê te
Bêhn û nefesa min tu yî
Roj û şeva min
Nesîb û qedera min tu yî
Tu xelatek e ji min re
Ji ezman ve hatî
Bi Tawisê Melek tu xelatek pîroz î…
Venedig, 11-15 Cotmeh 2010
Ronî Stêrk